የኒኦ ሶሳይቲ አመራሮች ኢትዮጵያዊያን ናቸው። በኢትዮጵያ ኋላ ቀርነት  የሚናደዱ፤ በኢትዮጵያ ሕዝብ ድህነት የሚከፉ፤ በዘመነው ዓለም የሚቀኑ ፤ ሁልጊዜ በጎ ገጽ የሚያዩ፤ ዘወትር ተስፋ የሚሰንቁ፤ ከተራራ የገዘፈ ራዕይ ያላቸው፤  እንዴት እንደሚዘጋጅ ጠፍቶን ነውጂ የኢትዮጵያ አፈር ተጋግሮ የሚበላ እንጀራ ነው ብለው የሚያስቡ፤ ለሕዝብ ትርፋማነት የሚሠሩ፤ ለተተኪ ትውልድ  ውርስና ቅርስ የሚሆን እርሾ ለማኖር የሚታትሩ፤ ገንዘባቸውን፤ ጉልበታቸውን፤ ዕውቀታቸውን፤ ልምዳቸውን፤ ኢነርጂያቸውን እና ጊዜያቸውን የማይሰስቱ ናቸው። ዘረኝነት የሚከረፋቸው፤ ጠባብነት የሚጨንቃቸው፤ ሰፈርተኝነት የሚያስጠላቸው፤ ከራስ ባሻገር በሌላ ሰው ጫማ ውስጥ ቆመው የሌላን ወገን ስሜት ማወቅና መጠበቅ የሚፈልጉ ኢትዮጵያዊነትና ኢትዮጵያዊነት ዋና መገለጫቸው የሆነ አመራር ቡድን ነው።